跑環島 報名攻略 2026｜早鳥優惠 10月30日截止，幾時報、去邊報、點揀組別？
想喺年尾用一個大挑戰為 2026 年畫上句號？「跑.環島65KM旋風挑戰 2026」將於 2026年12月20日（星期日）舉行，由西營盤中山紀念公園出發，沿海岸線環繞香港島一周。賽事自 2016 年開始舉辦，係香港唯一真正環島一周嘅賽事。今篇跑環島 報名攻略一次過講清楚早鳥價、報名渠道同組別點揀。公開報名預計 10月8日（星期四）正式開放（請以 RTS 報名頁公佈為準），早鳥優惠 10月30日截止，報名截止日期為 2026年12月1日！完整賽事資料可以睇跑.環島 2026 賽事頁。
- 日期2026年12月20日（日）
- 起步時間65KM 精英／個人挑戰 07:45
65KM 團隊、40KM 08:00
23KM 12:00 - 起點／終點中山紀念公園（港鐵西營盤站 A2 出口）；23KM 喺赤柱起步
- 組別65KM｜40KM｜23KM，共 5 個組別
- 公開報名預計 10月8日（星期四）正式開放，請以 RTS 報名頁公佈為準
- 報名截止2026年12月1日（星期二）；名額不得轉讓
早鳥優惠 10月30日截止：報名費一覽
報名費以每人計（港幣）。2026年10月30日或之前報名享早鳥價，10月31日起回復正價，每人最多慳 $80。
| 組別 | 早鳥價10/30 或之前 | 正價10/31 起 |
|---|---|---|
| 65KM 個人精英組 | $578 | $658 |
| 65KM 個人挑戰組 | $478 | $558 |
| 65KM 團隊（2–4人）挑戰組（每人） | $578 | $658 |
| 40KM 個人體驗組 | $388 | $468 |
| 23KM 個人體驗組 | $248 | $298 |
STARUN 會員優先：持有有效 STARUN 會員資格嘅跑手享有早鳥優惠，名額有限，先到先得。會員報名安排請留意報名頁最新公佈。
幾時報名？去邊度報？
今屆報名經 Race Timing Solutions（RTS）網上系統辦理：raceresults.com.hk/event/494。公開報名預計 10月8日（星期四）正式開放，請以 RTS 報名頁公佈為準；想搶早鳥，建議而家就 bookmark 定報名頁，同時留意賽事資料頁嘅更新。
報名重要日子
- 10月8日（四）公開報名預計正式開放（以 RTS 報名頁公佈為準）
- 10月30日（五）早鳥優惠最後一日
- 10月31日（六）起回復正價
- 12月1日（二）報名截止
- 12月20日（日）比賽日
報名前準備
- 年齡：最低參賽年齡 16 歲（2010 年或之前出生），年輕跑手須取得家長同意。
- 電話號碼：比賽日要帶住有足夠電嘅手提電話，而且要同報名時填寫嘅號碼一樣，報名時記得填啱。
- 團隊組：預先夾好 2–4 位隊友，一齊報名。
- 名額不得轉讓：報名一經確認，名額只限報名者本人使用，不得轉讓予他人，報名前請確定自己當日可以出賽。
- 名額：每組名額有限，額滿即止（大會不設公佈名額），想報就早啲報。
- 保險：大會已購買公眾責任保險，但唔包個人意外保險，建議自行購買。
點揀組別？5 個組別逐個睇
65KM 個人精英組
07:45 起步，時限 12 小時；精英時限男子 9 小時 30 分、女子 10 小時，設名次。啱想同高手鬥快、爭名次嘅你。
65KM 個人挑戰組
07:45 起步，時限 12 小時，路線同精英組一樣。想完成環島一周、按自己節奏跑嘅首選。
65KM 團隊（2–4人）挑戰組
08:00 起步，時限 12 小時；全隊要一齊過檢查站，成績以最後一位隊員計。啱一班跑友互相照應。
40KM 個人體驗組
08:00 起步，時限 11 小時；跑第 1、2、5、6、7 段，中途要自行搭公共交通由 CP2 小西灣前往 CP4 赤柱。
23KM 個人體驗組
12:00 喺赤柱起步，時限 8 小時，跑第 5、6、7 段返到中山紀念公園終點。
一句起兩句止：我應該揀邊組？
- 第一次挑戰：23KM，中午先起步，唔使一早趕去起點，輕鬆感受環島尾段海岸線。
- 有長跑底子、想再推高距離：40KM，時限 11 小時，節奏比較從容。
- 想完成真正環島一周：65KM 個人挑戰組，距離已超過全馬，屬超馬級數。
- 有實力爭名次：65KM 個人精英組。
- 想同朋友一齊完成：65KM 團隊組。
完成獎品、選手包同精英組獎金
- 65KM 個人精英組：12 小時內完成獲紀念獎牌＋跑.環島獨家項鍊；精英時限內完成再加紀念獎座。頭三名仲有 Adolphsport 野狼運動用品現金券 $1,000／$500／$300。
- 65KM 團隊組：紀念獎牌＋項鍊＋每人一個紀念獎座。
- 65KM 個人挑戰組：時限內完成獲紀念獎牌（獨家項鍊只限精英組及團隊組，挑戰組不設）。
- 40KM／23KM：紀念獎牌＋完成彩蛋「紀念章」。
- 全部組別：電子證書。
選手包包括越野跑步背囊、運動紀念頭巾、號碼布同活動簡介；紀念戰衣（TEE）已包括喺報名費，唔使另外加購。
比賽日強制裝備（大會會抽查）
- 充足電量的手提電話（手提電話號碼必須與報名時所提供的一致，如有更改請以電郵通知大會）
- 適量現金
- 不少於500ml的水及容器（各檢查站／水站均不會提供任何容器）
- 最少一條能量棒／一份食糧
- 哨子
- 頭燈或電筒（附電芯）
- 號碼布
- 密封袋（放置個人廢物）
想預先熟悉路線？65KM、40KM 同 23KM 嘅 GPX 檔案已經可以喺賽事專頁「地圖 & GPX」分頁下載，匯入手錶或手機 App 導航（僅供參考，以大會當日安排為準）。
12月20日大約 5:45 就天黑，後段可能要摸黑跑，頭燈或電筒一定要帶齊電芯。今屆係環保賽，水站唔提供杯，記得自備水樽，垃圾一律自己帶走。
常見問題（FAQ）
Q1：幾時開始公開報名？
公開報名預計 10月8日（星期四）正式開放，請以 RTS 報名頁公佈為準。
Q2：早鳥優惠幾時截止？
2026年10月30日或之前報名享早鳥價；10月31日起為正價。
Q3：報名幾時截止？
報名截止日期為 2026年12月1日（星期二）。
Q4：報咗名之後，名額可唔可以轉讓俾朋友？
唔可以。名額不得轉讓，報名一經確認只限報名者本人參賽。
Q5：幾多歲先可以報名？
最低參賽年齡 16 歲（2010 年或之前出生），年輕跑手須取得家長同意。
Q6：23KM 喺邊度起步？
23KM 喺赤柱海濱起步，12:00 開跑，終點係西營盤中山紀念公園。前往赤柱可以參考以下交通：
23KM 赤柱起點交通
港島區（直達）
- 中環／金鐘：城巴 260（特快）或 6X，約 35–45 分鐘
- 銅鑼灣／灣仔：綠色小巴 40／40X，約 30 分鐘（班次最密）
- 東區（筲箕灣／柴灣）：城巴 14
- 香港仔／華富：城巴 73
九龍及新界區（港鐵轉乘巴士／小巴）
- 最穩陣（約 40 分鐘）：港鐵金鐘站 B 出口，轉乘城巴 260 或 6X
- 最平、避塞車（約 25 分鐘）：港鐵南港島綫黃竹坑站 B 出口，轉乘城巴 73 或綠色小巴 52
- 尖沙咀／佐敦直達（不需轉車，約 75 分鐘）：城巴 973
交通資料僅供參考，請以運輸署／營辦商最新公佈為準。
Q7：限時同檢查站關門時間有咩分別？
兩者冇衝突。限時係每個組別自己嘅完成時限（例如 65KM 係 12 小時）；檢查站關門時間就適用於所有組別，40KM 同 23KM 經過嘅檢查站都跟同一張時間表。
Q8：要唔要帶頭燈？
要。頭燈或電筒（附電芯）係 8 項強制裝備之一，大會會抽查。
Q9：團隊組成績點計？
團隊組 2–4 人一隊，全隊要一齊過檢查站，成績以最後一位隊員計。
Q10：喺邊度報名？
經 RTS 網上報名：raceresults.com.hk/event/494。
準備好 12月20日捲起環島旋風未？早鳥價 10月30日截止！
公開報名預計 10月8日（星期四）正式開放，請以 RTS 報名頁公佈為準｜報名截止 2026年12月1日
本文由 星光體育會 Starun Athletic Club 整理，所有賽事資料以大會最後公佈為準。